, , ,

ව්‍යාපාරිකයාව නිරුවත් කර 'කාන්තාවක් සමග වීඩියෝ කළ' SF බණ්ඩාගේ කැමරා ශීල්පියා.


තිරප්පනය සෙලස්තිමඩුව ප්‍රදේශයේ දී වෙඩි ප්‍රහාරයකට ලක්ව ඝාතනයවූ  හිටපු යුද හමුදා විශේෂ බළකා සෙබළෙකු වු එස්.එෆ් බණ්ඩා නැමැත්තාගේ කොල්ල කල්ලියේ ප්‍රබල සාමාජිකයෙකු බව පැවසෙන අයෙක් පොලිසිය විසින් අත්අඩංගුවට  ලැබුවා. 

රුපියල් විසි ලක්ෂයක් පමණ වටිනා රන්පවුම් 50 ක් සමග ඔහුව ඊයේ රාත්‍රියේ (24)  අත්අඩංගුවට ගෙන ඇති බවයි වාර්තා වන්නේ. 

නොච්චියාගම ප්‍රදේශයේ පදිංචි කෝටිපති ව්‍යාපාරිකයෙකු බාලවයස්කාර දැරියක් දුෂණය කල බව අඟවන  වීඩියෝවක් සකසා රුපියල් කෝටියක කප්පම් ලබා ගැණීමට උත්සහ කර ඇත්තේ මෙම පුද්ගලයාගේ මූලිකත්වයෙන් බවයි පොලිසිය සඳහන් කළේ. 

මෙම පුද්ගලයා අදාළ වීඩියෝවේ කැමරා ශිල්පියා බවයි පැවසෙන්නේ.ඒ සම්බන්ධයෙන් සැකකරු පොලිසියට කරුණු හෙළිකර තිබෙනවා. 

අනුරාධපුර පුළියන්කුළම ප්‍රදේශයේ පිහිටි ස්වර්ණාභරණ අළෙවිසැලක තිබු රුපියල් ලක්ෂ 40 ක් පමණ වටිනා රන් ආභරණ හා මුදල් සහිත සේප්පුව සොරා ගැනීමේ සිද්ධියට ද මොහු සම්බන්ධ බව පොලිසිය සඳහන් කළා. 

සොරා ගන්නා ලද සේප්පුවේ තිබුණු රුපියල් විසි ලක්ෂයකට වඩා වටිනා රන් පවුම් පනහකට ආසන්න ප්‍රමාණයක් නොච්චියාගම හා අඹන්පොල ප්‍රදේශයේ පිහිටි රන් ආභරණ සැල් දෙකකට විකුණා තිබියදී පොලිසිය විසින් සොයා ගෙන තිබුණු අතර ඒවා උණුකර තිබූ  බවයි වාර්තා වන්නේ.

0 comments:

Post a Comment